Uzun müddət Ramin Musayevlə birgə çalışanlardan biri də PFL-in Mətbuat və İctimaiyyətlə Əlaqələr Departamentinin rəhbəri Aslan Şahgəldiyevdi. “Football-plus.az” saytı ona da tribuna verdi: "Ramin müəllimin 14 il PFL-ə rəhbərlik etdiyi dönəmi uğurlu sayıram. Onun yaxşı rəhbər olmasının səbəbi uzun müddət "Neftçi"də vitse-prezident postunda çalışması və klubları yaxından tanımasıdı. PFL yaradılana qədər Azərbaycan çempionatı UEFA reytinqində 42-ci pillədə qərarlaşmışdı. Onun dönəmində çempionatımızın səviyyəsi qalxmağa başladı. Hətta 22-ci pilləyə qədər qalxdıq. Hazırda klublarımızın avrokuboklardakı çıxışını və gələcək nəticələri nəzərə almasaq, Avropada 26-cı yerdəyik. Çempionatımızın, hakim idarəçiliyinin təkmilləşdirilməsi də Ramin Musayevin adı ilə bağlıdı. Xaraktecə əsl mühafizəkar azərbaycanlı kişisidi. Bununla yanaşı, çox diqqətçil, qayğıkeş, xeyirxah insan idi. Həmişə tabeliyində olanlara qayğı ilə yanaşardı. Yəni işdə necə idisə, həyatda da elə biridi. Ramin müəllimdə ən çox bəyəndiyim xüsusiyyət müzakirələrə açıq olmasıydı. Diktatorluq etməzdi, hər kəsin fikrini dinləyər, təkliflər səsləndirilməsini xoşlayar və yalnız ondan sonra qərarlar verər. Ramin müəllimi əvəzləyən Elxan Səmədova gəlincə, onunla şəxsi tanışlığım yoxdu. Bu üzdən nəsə deyə bilmərəm”.
ABDULLA İSMAYILOĞLU