"Ramin Musayevi hansı vəzifəyə çəkiblərsə, özünü doğruldub"

Ramin Musayevin PFL prezidenti postundan qəfil istefası hər kəsi təəccübləndirdi.
Ramin bəylə yolları dəfələrlə kəsişən Ağasəlim Mircavadov istefa ilə bağlı "Footbal-pıus.az" saytına bunları söylədi: "Ramin Musayevi "Neftçi"nin vitse-prezidenti olduğu müddətdən tanıyıram. İşgüzar adam olub. Onu hansı vəzifəyə çəkiblərsə, özünü doğruldub. İstər "Neftçi"də, istərsə də PFL-ə rəhbərliyi dönəmində uğurları ilə diqqəti çəkib. "Neftçi"nin titullar qazanmasında, "Birlik kuboku"nda uğurlarında Ramin müəllimin rolu danılmazdı. PFL-in prezidenti kimi də çempionatımızın daha da inkişafında, hakimlərimizin təlim-məşq məşq prosesinin təşkilində və başqa məsələlərdə xüsusi rolu olub. Ümumiyyətlə, Ramin Musayevin fəaliyyətini müsbət qiymətləndirirəm. Yeni prezidentə gəlincə, onunla yaxın münasibətim olmayıb”.