Sabiq UFC döyüşçüsü Mark Hant növbəti dəfə qurumun rəhbəri Dana Uaytı “yutub” blogeri Kayl Forcarda 250 min dollar bağışladığına görə tənqid edib: “Onun hərəkəti bütün döyüşçülərin üzünə vurulan sillədi. Bir çox döyüşçü 10 min dollarla dolanır, sponsor tapa bilmir, ancaq bu keçəl yaramaz yutuberə 250 min dollar bağışlayır. Çox güman, heç ağırçəkililər də bu qədər pul almır. Çox iyrənc mənzərədi. Və bu, dünyanın ən yaxşı liqasıdı. Uayt döyüşçülərin hesabına qazandığı pulu onlardan oğurlayır”.
"Football-plus.az" xəbər verir ki, bir neçə gün əvvəl internetdə Uaytın “Nelk” “yutub” kanalının müəllifi Kayl Forcarda 250 min dollar bağışlaması ilə bağlı video peyda olub. Bu video üzə çıxan kimi çoxları UFC rəhbərini tənqid etməyə başlayıblar ki, döyüşçülərə blogerə hədiyyə etdiyi pulla müqayisədə daha aşağı məbləğ verir.