Bakıda universitetlərdə dərslər onlayn keçiriləcək - "Formula-1"ə görə

Bakıda fəaliyyət göstərən ali təhsil müəssisələrində tədris prosesi 3 gün müddətində distant formada təşkil olunacaq.

"Football-plus.az" xəbər verir ki, bu barədə Elm və Təhsil Nazirliyinin müvafiq əmri imzalanıb.

Qərara əsasən, sentyabrın 23-dən 25-dək paytaxtdakı ali təhsil müəssisələrində dərslər məsafədən keçiriləcək.

Qeyd olunur ki, qərar "Formula-1" üzrə Azərbaycan "Qran-Pri"sinin keçirilməsi ilə əlaqədar tədris prosesinin fasiləsizliyini təmin etmək məqsədilə qəbul edilib.

Ali təhsil müəssisələrinə əmrin icrası ilə bağlı müvafiq tədbirlərin görülməsi tapşırılıb.