"Qarabağ”la cavab görüşü tamamilə fərqli olacaq" - Blerim Dzemaili
"Qarabağ”ın Çempionlar Liqasının 2-ci təsnifat mərhələsindəki rəqibi “Sürix”in futbolçusu Blerim Dzemaili İsveçrə mətbuatına müsahibə verib.
Football-plus.az xəbər verir ki, yarımmüdafiəçi komandada yenidənqurma işləri getdiyini və bu üzdən zamana ehtiyacları olduğunu bildirib:
“Çempionlar Liqasının təsnifat mərhələsi həmişə ağlımızdadı. Komandamızda heç vaxt Çempionlar Liqasında çıxış etməyən futbolçular çoxdu. Bu turnirdə yer almaq hamının arzusudu. Deməli, ölkə çempionatını ikinci plana atmağımız normaldı. "Qarabağ”la cavab görüşü tamamilə fərqli olacaq. Bu dəfə evdə çıxış edəcəyik və özümüzə böyük inamla meydana çıxacağıq. Yeni baş məşqçi Franko Foda hamıya şans verir. İndi o, yəqin ki, bəyəndiyi 4-lü müdafiə sistemini aşılamaq istəyir. Bütün kollektivə, xüsusən də, yeni oyunçulara vaxt verməliyik. Bu müddət iki-üç ay çəkir. Sonra İvan Santini kimi yeni oyunçular bizə çox kömək edəcəklər”.
Digər xəbərlər
