Regekampf azarkeşlərdən üzr istədi
"Neftçi" Konfrans Liqasının 2-ci təsnifat mərhələsində "Ari's"ə məğlub oldu - 0:2.
Football-plus.az xəbər verir ki, görüşdən sonra flaqmanın baş məşqçisi Laurentsiu Regekampf görüş haqda fikirlərini səsləndirib, daha sonra jurnalistlərin suallarını cavablandırdı:
"İkinci hissənin əvvəlindən çox narazı qaldım. Fasilədən sonra oyunçular reaksiya göstərmirdilər. ilk yarıda “Aris”in fərqlənmək imkanları olsa da, biz də qol vura bilərdik. İsti-isti təhlil etmək çətindi. Oyunçularla söhbət etmişəm. Bakıya döndükdən sonra daha yaxşı hazırlaşmalıyıq. Müdafiədə daha dəqiq oynamalıyıq. Uşaqlara dedim ki, Bakıda məğlubiyyətin əvəzini çıxmalıyıq. Rəqibi təbrik edirəm. Ancaq cavab oyununda azarkeşlərimizlə birlikdə mərhələni adlamağa çalışacağıq".
- Komandamız fiziki cəhətdən ikinci hissədə meydanda yox idi. Niyə?
- Zənnimcə, ikinci hissənin əvvəlində fiziki cəhətdən yorğunluqdan danışmamalıyıq. Paltardəyişmə otağından hazır çıxmadıq. Meydanda özümüzü qurban verməliyik. Bakıda bu barədə uşaqlarla danışacam. Mərhələni keçməliyik.
- Nəyin hesabına?
- Cavab oyunu Bakıda keçiriləcək. Daha aqressiv, daha istəkli olmalıyıq.
- Daha döyüşkən olmaq üçün bu qısa zamanda nələr etməlidir komandanız?
- Ruh lazımdı. Futbolçular “Neftçi”də, zəngin tarixə sahib klubda oynadıqlarını dərk etməlidi. Sabahdan etibarən bu yöndə işlər aparacağıq.
- Azarkeşlərinizin inamı azalıb. Onlara nə demək istəyərdiz?
- Bu, təbiidi. Axı, məğlub olmuşuq. Cavab oyununda uduzacagımız bir şey qalmayıb. Mütləq qalib gəlməliyik. Azarkeşlər narazılıqda haqlıdı. Fanatlarımızan üzr istəyirəm. Ancaq onu da əlavə edim ki, onlara Bakıdakı matçda ehtiyacımız var.
- “Aris”dən bu cür oyun gözləyirdiz?
- Mən rəqib haqda danışmağa gəlməmişəm. İkinci hissədəki oyunumuz məni təəccübləndirdi. Bax, oyuncularımla bu barədə danışacam. Onlar tam başqa cür oynamalıdılar.
- Bəlkə “Aris”ə yuxarıdan aşağı baxırsınız?
- Əsla! Tələsməyin, hələ cavab oyunu var. Futbolda bundan da böyük fərqləri əridirlər. "Ari's"ə hörmət edirəm. Əla komandadı. Lakin Bakıda daha bir oyunumuz var.
- Etiraf edirsiz ki, komandanızı bu oyuna hazırlaya bilməmişdiz?
- Xeyr. Kifayət qədər vaxtımız var idi. Bu neqativ oyunu aradan qaldıracağıq. Səhvləri araşdıracağıq. Özümü kənara çəkmirəm. Günahkar axtarırsızsa, məni günahlandırın.
- Mboc niyə sağda oynayırdı? Hansı xüsusiyyətlərinə görə? Bilirik ki, cinahdakı futbolçu qaçmalı, asma etməlidi, sürətli və cəld olmalıdı. Bunların heç biri onda yoxdu. Bundan əlavə, ikinci qol da onun səhvindən vuruldu.
- Hazırlığımız buna hesablanmışdı ki, qol buraxmayaq. Hesab edirəm ki, ikinci qol vurulmamalı idi. Ucaboy oyunçularımız olduğu halda, hansılardan ki, biri Mbocdu, başla qol buraxdıq. Təəssüf ki, bütün təhlükələr məhz həmin cinahdan yaşanırdı
İLKİN SULTANLI, Larnaka
Digər xəbərlər
