“Kəpəz”in futbolçusu narazıdı – AÇIQLAMA
Dünən "Dalğa Arena"nın yardımçı meydanında "Şamaxı" - "Kəpəz" oyunu keçirildi.
Xeyli vaxtdı futboldan uzaq düşməsinə rəğmən, yay transfer dönəmində "Kəpəz"ə keçən Elvin Yunuszadə də matçın iştirakçılarından idi. "Football-plus.az" saytı olaraq onun çempionata hazırlıq, "Kəpəz"dəki ab-hava və özü ilə bağlı fikirlərini öyrəndik:"Hazırda formamı bərpa etməklə məşğulam. Bunun üçün 5 qat əzmlə məşq edirəm. Artıq iki yoxlama matçında iştirak etmişəm. Amma hazırkı formam məni qane etmir. Hələ üzərimdə çox işləməliyəm. Komandamız yenidən qurulur. Təcrübəli futbolçular, legioner və gənclərdən ibarət döyüşkən kollektiv formalaşdırmaq istəyirik. Heyətimizdə Rauf Əliyev, Əfran İsmayılov, Tural Axundov kimi futbolçular yer alır. Onların təcrübəsi komanda üçün çox önəmlidi. Düşünürəm ki, heyətimizdəki gənclər onlarla çiyin-çiyinə oynamaqla təcrübə toplayacaqlar”.
Təcrübəli müdafiəçi çempionatdakı hədəflərini də açıqladı:“Dediyim kimi, komandamız yenidən formalaşır. Ona görə də “çempionluğa oynayacağıq, ilk “4-lüy”ə iddialıyıq” desək, yalan olar. Amma sona qədər döyüşməklə turnir cədvəlində maksimum irəliləmək istəyirik. Hər oyuna qələbə əzmi ilə çıxaraq, meydanda xarakter göstərsək, layiq olduğumuz yeri tutacağıq. Hətta belə olan halda, inanıram ki, avrokuboklara da vəsiqə qazana bilərik. Çempionatın startından finişinə qədər 9 komandaya qarşı döyüşəcəyik".
ABDULLA İSMAYILOĞLU
