Kriştiano Ronaldonun “Mançester Yunayted”i tərk edərək vətəninə qayıdacağı iddia edilir.

Football-plus.az xəbər verir ki, ulduz futbolçu yenidən doğma klubu “Sportinq”də oynamaq istəyir.

Kriştiano artıq Lissabon klubuna qayıdacağı ilə bağlı iddialara münasibətini bildirib. Portuqaliyalı hücumçu “instaqram”da onun haqda yazılan xəbərin yalan olduğunu yazıb. Ronaldo ailə vəziyyətini əsas gətirərək MY ilə yeni mövsümə hazırlıq üçün təlim-məşq toplanışına getməyib. Onun klubunu dəyişmək istədiyi bildirilir. Xatırladaq ki, ulduz futbolçu ötən ilin yayında sabiq klubu ilə “2+1 il”lik müqavilə imzalamışdı.

Yeri gəlmişkən, Kriştiano “Atletiko”ya da keçməyəcək. Bu xəbəri “Marka” qəzeti yayıb. Madrid klubu 37 yaşlı hücumçunun transferini iqtisadi cəhətdən qeyri-mümkün hesab edir. “Atletiko” hazırda portuqaliyalı forvardın nə yüksək maaşını, nə də təzminat məbləğini ödəyəcək durumdadı. Qeyd olunur ki, Ronaldonun “Atletiko”ya mümkün keçidi ilə bağlı şayiələri onun ətrafı və meneceri Jorje Mendeş yayıb. Paytaxt klubu isə bu fikri dərhal təkzib edib.