Kriştiano Ronaldo son bir ildə iş yerini ikinci dəfə dəyişmək qərarına gəlib.

Ötən ilin avqustunda “Yuventus”dan ayrılan ulduz futbolçu indi də “Mançester Yunayted”i tərk etmək istəyir.

“The Times”qəzetinin məlumatına görə, 37 yaşlı hücumçu klub rəhbərliyindən əlverişli təklif gələcəyi halda onu satmağı xahiş edib. Ronaldo peşəkar karyerasının sonu yaxınlaşdığı üçün yenə Çempionlar Liqasında oynamaq istəyir. Onun komandası isə Avropa Liqasında çıxış edəcək. Yeri gəlmişkən, bir neçə həftə əvvəl də Kriştianonun MY-dən ayrılmaq istədiyi barədə xəbərlər yayılmışdı. Onun premyer-liqadakı rəqibləri ilə müqayisədə klubun transfer bazarındakı fəaliyyətindən narazı olduğu əsas gətirilirdi. Ronaldo ilə “Roma”, “Sportinq”, PSJ, “Çelsi” və “Bavariya”nın maraqlandığı qeyd olunurdu. Artıq “Bavariya”, “Çelsi” və PSJ yay “transfer pəncərəsi”ndə Kriştianonu almaq variantından imtina edib. Bu barədə Fabritsio Romano özünün “tvitter” hesabında yazıb. İtaliyalı jurnalist bildirib ki, Münhen klubunun rəhbərliyi futbolçunun yaşını əsas gətirərək ondan imtina edib. “Çelsi” Ronaldonu almaq istəmir, baş məşqçi Tomas Tuxel onun mümkün transferinə qarşı çıxıb. Futbolçunun agenti Jorje Mendeş PSJ-yə müştərisinin xidmətini təklif etsə də, parislilər ona bu yay hücumçu transfer etməyi planlaşdırmadığını bildirib. Xatırladaq ki, Ronaldo ötən yay MY ilə “2+1 il”lik müqavilə imzalayıb.

Rəhbərlik isə onunla yolları ayırmağı düşünmür. Komandanın yeni baş məşqçisi Erik ten Haq hücumçu ilə gələcəyini şəxsən müzakirə etmək istəyir. “Daily Mail”in məlumatına görə, tərəflər arasında söhbət Ronaldonun mövsümöncəsi məşqlərə başlamaq üçün klubun düşərgəsinə qayıdacağı vaxta planlaşdırılıb. Yeri gəlmişkən, Kriştiano yay fasiləsindən sonra hələ də kluba qayıtmayıb. İyulun 4-də milli komandalarda çıxış edən futbolçular MY ilə məşqlərə başlamalıydı. Lakin Ronaldo ailə vəziyyətinə görə komandanın düşərgəsinə vaxtında qayıda bilməyib. Klubun rəsmi məlumatında belə deyilir: