Kriştiano Ronaldo son bir ildə iş yerini ikinci dəfə dəyişmək qərarına gəlib.

Ötən ilin avqustunda “Yuventus”dan ayrılan ulduz futbolçu indi də “Mançester Yunayted”i tərk etmək istəyir. “The Times”qəzetinin məlumatına görə, 37 yaşlı hücumçu klub rəhbərliyindən əlverişli təklif gələcəyi halda onu satmağı xahiş edib. Ronaldo peşəkar karyerasının sonu yaxınlaşdığı üçün yenə Çempionlar Liqasında oynamaq istəyir.

Bir neçə həftə əvvəl də Kriştianonun MY-dən ayrılmaq istədiyi barədə xəbərlər yayılmışdı. Onun premyer-liqadakı rəqibləri ilə müqayisədə klubun transfer bazarındakı fəaliyyətindən narazı olduğu əsas gətirilirdi. Ronaldo ilə “Roma”, “Sportinq”, “Çelsi” və “Bavariya”nın maraqlandığı qeyd olunurdu.
Lakin MY rəhbərliyi onunla yolları ayırmaq istəmir.

Xatırladaq ki, Ronaldo ötən yay klubla “2+1 il”lik müqavilə imzalayıb.