"Azərbaycanlıların Cənubi Amerikadan qiymətli "daş-qaş" tapmaq səriştəsi var" - Polşalı sabiq klub prezidenti
Polşanın “Vidzev” klubunun keçmiş sahibi Andrjey Qrayevski “Lex”in Çempionlar Liqasının 1-ci təsnifat mərhələsində “Qarabağ”a Bakıda 1:5 hesablı məğlubiyyətinə münasibət bildirib.
Football-plus.az xəbər verir ki, funksioner ölkədə futbolunda işlərin düzgün qurulmamasından gileylənib:
“Qarabağ” Polşa çempionunu hər cəhətdən ikiqat üstələdi, xüsusən də, oyun mədəniyyətində. “Lex”in heyətində keyfiyyətsiz oyunçu sayı çoxdu. Bizim klublar transferlərə azərbaycanlılardan heç də az pul xərcləmir. Belə çıxır ki, biz əcnəbiləri ya düzgün axtarmırıq, ya da pis hazırlayırıq. Burda uğursuz skaut fəaliyyətini vurğulamaq olar. Azərbaycanlıların Cənubi Amerikadan qiymətli "daş-qaş" tapmaq səriştəsi var. Böyük ulduz olduğu deyilən Afonso Sousa on yarasa kimi görünən “Qarabağ” qladiatorlarının heç yarısı deyil. Giorgi Tsitaişvili də Bakıda meydanda olduğu 20 dəqiqə ərzində topa cəmi bir dəfə sahib oldu, onda da dərhal itirdi. Qapıçı Filip Bednarek rəqibin heç bir zərbəsinə düzgün reaksiya göstərməyən Artur Rudkodan iki dəfə güclüdü. Matçın 67-ci dəqiqəsindən etibarən isə “Lex” futbolçularının gücü tamam tükəndi. Komandanın baş məşqçisi qədər rəhbərliyi də günahkardı. Çünki komandanı tanımayan, Polşa futbolunun reallıqları haqda heç bir fikri olmayan niderlandlını elə vaxt gətirdilər ki, onun zamanı yox idi. Eşitdiyimə görə, Con van den Brom da “Feliks Maqat rejimi” tətbiq edir, futbolçuları məşqlərdə taqətdən salır. “Lex” mövsümün gedişində bəlkə yaxşı nəticələr qazandı. Ancaq “Qarabağ”la matçın 70-ci dəqiqəsi olmamış enerjiləri qalmamışdı”.
Digər xəbərlər
