“Real” yarımmüdafiəçi Rodriqo Qoes ilə yeni müqavilə imzalamağa hazırlaşır.
“Marca” qəzetinin məlumatında Madrid klubunun artıq 21 yaşlı futbolçu ilə anlaşdığı bildirilib. Onun hazırkı müqaviləsi 2025-ci ildə qüvvədən düşəcək. Yeni sözləşmənin müddəti isə 2028-ci ilə qədər nəzərdə tutulub. İllik məvacibi 4 milyon avrodan 7 milyona qədər artırılacaq Rodriqonun satış qiyməti 1 milyard avro müəyyən edilib. Bu isə gənc futbolçunu bir sıra klubların heyətinə qatmaq istəməsi ilə bağlıdı.
Braziliyalı ötən mövsüm “Real”ın heyətində bütün turnirlərdə 49 matçda 9 qol vurub və 9 məhsuldar ötürmə edib.