''Bu il ''Qızıl top''un qalibi heç kimdə şübhə doğurmur. Bu mükafata bu dəfə Kərim Benzemadan daha çox layiq olan futbolçu yoxdu. ''Real''da bir dəfə onunla söhbətim oldu. Kərimə yalnız karyerasına köklənməyi məsləhət gördüm. Mükəmməl istedadını boş yerə xərcləməsini istəmədim və bu söhbətimizdən 1 il sonra güclü keyfiyyətlərindən yararlanmağa başladı. Əvvəllər üzərində çox çalışmağı, idman zalına yollanmağı xoşlayan oyunçulardan deyildi. Məsələn, onun boş vaxtında öz istəyi ilə trenajor zalına getdiyini heç vaxt görməmişdim. Amma o, həm bunun, həm düzgün həyat tərzinin, həm də yuxunun nə qədər vacib olduğunu anladıqdan sonra oyunu tamamilə yeni səviyyəyə yüksəlməyə başladı''.