Gündoğan ''Qızıl top''a kimi layiq görür?
Bu gün Çempionlar Liqasının yarimfinalının ilk oyunu çərçivəsində ''Mançester Siti'' ''Real''ı qəbul edəcək.
Oyundan öncə mançesterlilərin yarımmüdafiəçisi İlkay Gündoğan madridlilərin forvardı Kərim Benzemaya təriflər yağdırıb. Fransalı futbolçu bu mövsüm 40 rəsmi oyuna 39 qol vurub və ''Real''ın yarımfinala qədər irəliləməsində böyük rol oynayıb. Gündoğan bunları bunları deyib:
''Məncə, Benzema hazırda Levandovski ilə birlikdə dünyanın iki ən güclü hücumçusundan biridi. Hər iki ayağıyla və üstəlik başla çox yaxşı oynayır. Keçmiş illərdə ona layiq olduğu dəyər verilmirdi. Çünki uzun müddət Kriştiano Ronaldonun kölgəsində qaldı. Bu gün isə nəhayət layiq olduğu dəyəri və marağı görür. Bu mövsümkü çıxışı onun səviyyəsindən xəbər verir. Mənim üçün ''Qızıl top''a əsas namizəd Benzemadı. ''Qızıl top''u qazanmaq üçün lazım olan şeyləri artıq indidən edə bilib''.
