Peres Benzema və Mbappe ilə bağlı açıqlama verdi
“Real”ın prezidenti Florentino Peres iki futbolçu ilə bağlı açıqlama verib.
O, komandanın bu mövsüm 42 oyuna bir o qədər qol vuran hücumçusu Kərim Benzemanı “Qızıl top”a layiq bilir: “Benzema indi yaxşı formadadı, o, “Real”a gəldiyi gündən yaxşı oyun nümayiş etdirib. Onun bu il “Qızıl top”a layiq görüləcəyinə heç kim şübhə etmir. Onlar bu mükafatı bu dəfə ondan ala bilməyəcəklər. Benzema “Qızıl top”u qazanacaq, o, bu mükafata daha əvvəl layiq görülməli idi. Bunu bütün dünya bilir”.
Peres PSJ-nin hücumçusu Kilian Mbappeni transfer etmək istədikləri ilə bağlı yayılan xəbərlərə də münasibət bildirib:“İndi bu barədə düşünmürdüm. Amma siz qeyd etdiyinizə görə bu, doğru ola bilər. Gələn mövsüm üçün heyəti planlaşdırmağa başladığımız vaxt bunu görəcəyik”.
Digər xəbərlər
