Azər Salahlı: "Ciddi hazırlaşıb, ilk rəsmi oyunumuzadək ideal formamızı bərpa etməyə çalışrııq" - AÇIQLAMA
"Neftçi"nin futbolçusu Azər Salahlı klubun rəsmi televiziyasına açıqlamasında Türkiyənin Bolu şəhərində davam edən təlim-məşq toplanışını dəyərləndirib.
Football-plus.az xəbər verir ki, "Sakaryaspor"la 1:1 hesablı başa çatan yoxlama matçına toxunan 28 yaşlı müdafiəçi bildirib ki, bu cür oyunlarda nəticə elə də böyük önəm kəsb etmir:
"Vəziyyətimiz yaxşıdı, məşqlərimiz plana uyğun davam edir. Ciddi hazırlaşıb, ilk rəsmi oyunumuzadək ideal formamızı bərpa etməyə çalışrııq. Burda əsasən futbolçuların meydandakı hərəkətliliyi vacibdi. Məncə, "Sakaryaspor"la oyun pis alınmadı. İlk hissəni yaxşı keçirdik. Normal oyun alındı".
Azərbaycan millisinin üzvü yeni transfer Solomon Kvirkveliyadan da söz açıb:
"Onu salamlayıram, komandamıza xoş gəlib. Çox nikbin insandı. Futbolçu kimi isə karyerası göz qabağındadı. Gürcüstan millisinin üzvüdü. Əvvəl çıxış etdiyi klublar da onun necə səviyyədə olduğunu göstərir".
Salahlı sonda "Neftçi" azarkeşlərinə səslənib:
"Fanatlarımızı bizə dəstək olmağa çağırıram. Onsuz da hər zaman bizi dəstəkləyirlər. Ümid edirəm ki, "Aris"lə oyunda hər şey istədiyimiz kimi olar, qələbə qazanarıq".
Digər xəbərlər
