"Patrik Andradenin yoxluğu hiss olunurdu" - Ağasəlim Mircavadov
“Poznandakı oyun "Qarabağ"ın aşkar üstünlüyü şəraitində keçdi. Qurban Qurbanovun yetirmələri meydanda hər şeyi etdilər, yalnız qol çatmadı".
Football-plus.az xəbər verir ki, bu sözləri Ağasəlim Mircavadov deyib. Təcrübəli mütəxəssis "Qarabağ"ın Çempionlar Liqasının 1-ci təsnifat mərhələsində "Lex"ə 0:1 hesabı ilə məğlub olmasını şərh edib. A.Mircavadov cavab matçında Ağdam təmsilçisinin sevinən tərəf olacağını bildirib:
"Futbolçulardan Kadi Borges ümidləri doğrultmadı. Həddən artıq driblinqlər edirdi ki, nəticədə ya topu itirir, ya da əlverişli mövqedəki komanda yoldaşlarını ötürmə vermirdi. "Qarabağ" oyununu həmişə mərkəzdən qurmaqla yanaşı, rəqibin hücumlarının qarşısını da dayaq yarımmüdafiəsində alıb. Odu ki, Patrik Andradenin yoxluğu hiss olunurdu. Əminəm ki, "köhlən atlar" yeni futbolçuların axtarışındadı. Hazırda komandaya mərkəz müdafiəçisi, dayaq yarımmüdafiəçisi və sürəti, texnikası ilə fərdi oynamağı bacaran hücumçu lazımdı. "Lex" böyük təhlükə yaratmadı, sadəcə, şansını gözlədi və dəyərləndirdi. "Qarabağ" Polşadakı kimi yüksək tempdə oynasa, qol imkanları üzərində çalışsa, cavab matçının final fitində sevinən tərəf biz olacağıq".
ABDULLA İSMAYILOĞLU
Digər xəbərlər
