Yeni mövsümə hazırlıqlarını davam etdirən "Qarabağ" bu gün iki yoxlama oyunu keçirib.

"Football-plus.az" xəbər verir ki, "atlılar" əvvəlcə Almaniyanın "Holştayn Kiel" klubu ilə qarşılaşıb. Saat 14.00-da başlayan matçda qalib müəyyənləşməyib - 2:2. "Qarabağ"ın heyətində hər iki qolu Ramil Şeydayev vurub.

Qurban Qurbanovun rəhbərlik ediyi kollektiv günün ikinci yarısında daha bir sınaq matçına çıxıb. Rəqib Rumıniya "Universitatya Krayova"sı olub. Görüşə saat 20.30-da start verilib.

Avstriyada təlim-məşq toplanışında olan "Qarabağ" ilk yoxlama oyununda Rumıniyanın "Botoşani" klubunu darmadağın edib - 4:0.

Yoldaşlıq oyunları

29 iyun

“Qarabağ” - “Holştayn Kil” (Almaniya) - 2:2
12.00 (Bakı vaxtı ilə 14.00)
St. Ulrix stadionu

“Qarabağ” - “Universitatya Krayova” (Rumıniya) - 1:1
Filip Ozobiç, 16 - Andrey İvan, 36.
18.30 (Bakı vaxtı ilə 20.30)
Yenbax stadionu