"Qarabağ"ın rəqibində gərginlik: baş məşqçi narazıdı
“Lex”in baş məşqçisi Con van den Brom Polşa mətbuatına açıqlama verib.
“Football-plus.az” xəbər verir ki, niderlandlı mütəxəssis Poznan təmsilçisi transferlərdə ləng hərəkət etməsindən narazıdı:
"Çempionlar Liqasının 1-ci təsnifat mərhələsində qarşılaşacağımız “Qarabağ”la matça bir həftədən də az vaxt qalıb. “Lex” hələlik yalnız bir transfer rəsmiləşdirib. Bu da “Metallist”dən icarəyə götürülən qapıçı Artur Rudkodu: “Lex” yay fasiləsində güclənmək əvəzinə zəifləyib. Heyətin gücləndirməsi üçün görülən işlər çox ləng gedir. Hazırda “Lex”in heyəti o qədər də ürəkaçan deyil. Bir neçə aparıcı oyunçu getsə də, hələ heç onların boşluğu doldurulmayıb. Bundan sonra transferlər edilsə belə, yenilərin “Qarabağ”la matça qədər kollektivə uyğunlaşması mümkün deyil. “Lex” Azərbaycan klubu önündə bu baxımdan problem yaşayacaq”.
Qeyd edək ki, “Qarabağ”la “Lex” arasında ilk oyun iyulun 5-də Poznanda, cavab görüşü isə 12-də Bakıda keçiriləcək.
Digər xəbərlər
