Son mövsüm Region Liqasında gümüş medallara sahib çıxan "Xan Lənkəran"ın növbəti mövsümdən 1-ci divizionda çıxış etmək planı var idi.

"Qobustan"la varislik məsələsi ortaya çıxandan sonra dəfələrlə hər iki komandanın rəsmiləri ilə əlaqə saxlamışdıq. Həmişə də hər şeyin hazır olduğunu, yalnız AFFA-nın qərarını gözlədiklərini deyirdilər.

Bu gün isə "Xan Lənkəran"ın baş məşqçisi İbrahim Uzunca sosial şəbəkədə yazdığı statusla diqqəti cəlb edib:

"Bu əməyin qarşılığı verilməliydi. Bu azarkeşin istəyi yerinə yetirilməliydi. Belə bir rəhbərliyin diləyi, arzusu yaşadılmalı idi. Çox heyf. Futbol bir gün bunun hesabını soracaq".

Bu statusla bağlı onunla əlaqə saxladıq. Türkiyəli mütəxəssis keçmiş günlərdəki şəkillərə baxarkən ürəyindən keçirdiyi sözləri yazdığını bildirdi.

ŞAİR ABDULLA