“Liverpul”un Sadio Maneni “Bavariya”ya satmaqdan imtina etməsi Almaniya klubunu adevat addım atmağa vadar edir.

“The Times” qəzeti münhenlilərin seneqallı futbolçu üçün göndərdiyi təklifin İngiltərə klubunu qane etmədiyini xəbər vermişdi. “Bavariya” Mane üçün bonuslarsız 25 milyon avro ödəməyə hazır olsa da, qarşı tərəf bu varianta razılaşmayıb.

Qeyd edək ki, bir neçə gün əvvəl “Bavariya”nın Mane ilə razılığa gəlməsi ilə bağlı xəbər yayılmışdı. Son xəbərlərdə Almaniya nəhənginin afrikalı hücumçuya görə yeni təklif hazırladığı, onun transferi üçün 35 milyon avro təzminat və 5 milyon avro bonus ödəməyə hazır olduğu bildirilir.