Peres davranışına görə üzr istədi
“Red Bull”un pilotu Serxio Peres Monakodakı qələbəsini bayram edərkən çəkilən və sosial şəbəkələrə sızan videoya görə üzr istəyib.
"Football-plus.az" vəziyyəti qəlizləşdirən məqam odu ki, videoda naməlum xanım Çekonun üzündən öpür: “Sosial şəbəkələrə düşən çarxları görmüşəm və başverənlərə görə məsuliyyəti boynuma götürürəm. Axmaq məclis idi, orda özümə nəzarət etmirdim. Yaxınlarım əslində kim olduğumu bilir. İndi xanımımla heç vaxt olmadığı qədər yaxınıq. Bizə zərər vurmaq istəyənlərə hər şeyin ən yaxşısını arzulayıram. Məni sevənlərin hamısından üzr istəyirəm. Belə video gerçək məni göstərmir. Bir daha bu mövzuya dönməyəcəm. Çünki bu mövzü fikrimizi ailəmizin yaşadığı gözəl anlardan yayındırır”.
Bu arada “Red Bull”un məsləhətçisi Helmut Marko Pereslə yeni müqavilənin məhz nə vaxt imzalandığına aydınlıq gətirib: “Müqavilə müddətini Monako “Qran-pri”sindən əvvəl uzatdıq. Bu məqam ona güclü motivasiya verdi. Komandamızda belə pilotlar olduğuna görə sevinirik. Bu il artıq 5 qələbə qazanmışıq”.
Marko titul uğrunda mübarizədə Peresə yox, onun tərəfdaşı, ötənilki çempion Maks Ferstappenə güvəndiyini də gizlətməyib: “Maksa gəlincə, o çox sakitdi. Özünəinamı yetərli səviyyədədi. Qoy “Ferrari” pilotları narahat olsun”.
Digər xəbərlər
