''15 illik seriyaya son qoymağa çalışacam''

''Fənərbaxça''nın Jorje Jezuşa qovuşduğunu xəbər vermişdik. Dünyaca ünlü portuqaliyalı mütəxəssis iyunun 1-də klubun stadionu və bazası ilə tanış olmuşdu. İyunun 2-də anlaşma klub tərəfindən rəsmən açıqlandı. Jezuşla birillik müqavilə imzalandı. Onun illik məvacibi 3 milyon avro təşkil edəcək! Dünən isə ''Ülkər'' stadionunda tanınmış məşqçi üçün jurnalistlərin də iştirakı ilə imza mərasimi təşkil olundu.

''Türkiyəyə gələn ən üst səviyyəli məşqçi''

Tədbirdə ilk açıqlama verən başqan Əli Koç oldu. Prezident yeni məşqçi ilə aparılan danışıqlar prosesinin axarından və başqa məsələlərdən danışdı. Koçun sözlərindən belə aydın oldu ki, ''Fənər''in birinci hədəfi mətbuatın da yazdığı kimi Yoahim Löv idi. Hətta ikinci dövrədə komandanın başında olan İsmayıl Kartal Löv gələcəyi təqdirdə onun köməkçisi kimi işləməyə də razılıq vermişdi. Amma ünlü almaniyalı mütəxəssislə anlaşmaq mümkün olmadığından rəhbərlik diqqətini başqa variantlara yönəltmək məcburiyyətində qaldı. Koç Jezuşla ilk dəfə dekabrda, daha dəqiq desək, bu məşqçi ''Benfika''dan qovulandan 4 gün sonra əlaqə saxlayıbmış. O vaxt Jezuş futbol haqda danışmaq istəmədiyini və istirahətə ehtiyac duyduğunu deyibmiş. Apreldən etibarən İstanbul nəhəngi mütəxəssislə yenidən əlaqə qurdu və klub rəsmiləri, eləcə Koç özü bir neçə dəfə Portuqaliyaya səfər etdi. Prezidentin sözlərinə görə tədricən Jezuş da ''Fənərbaxça''ya maraq göstərərək ''Slaviya''ya qarşı oyundan etibarən klubun matçlarını izləməyə başladı. ''Fənər''in zəngin tarixə malik olmasına rəğmən, son 8 ildə çempion ola bilməməsi və titula həsrət qalması onun da diqqətini çəkdi. Koçun Jezuş haqda danışarkən ''bu gün qarşınızda bir Türkiyə klubunun gətirə biləcəyi ən üst səviyyəli məşqçini Türkiyəyə gətirməyin sevincini, qürurunu yaşayırıq'' ifadəsini işlətməsi diqqətdən qaçmadı. Prezident transfer məsələsinə də toxunaraq yeni məşqçinin tələblərini də dilə gətirib. O, portuqaliyalının 3-4 yeni transfer tələb etdiyini, eləcə də Krespo, Rossi, Kim Min Çje kimi futbolçuların komandada qalmasını istədiyini vurğulayıb. Koç sonda Jezuşun vətəndən kənarda toplanış keçmək istəmədiyini və komandanın yeni mövsümə Sancaktəpədə, eləcə də Topuk Yaylasında yerləşən öz doğma bazasında hazırlaşacağını qeyd edib.

''Özilin durumu olduğu kimi davam edəcək''

Daha sonra söz Jezuşa verilib. Sözlərinə türk dilində dediyi ''hazırmısız'' kəlməsi ilə başlayan 67 yaşlı mütəxəssis birillik müqaviləyə imza atmasının səbəbi, əsas komandadan kənarlaşdırılan Mesut Ozilin taleyi kimi məsələlər də daxil olmaqla jurnalistləri maraqlandıran bütün məqamlara aydınlıq gətirib:

''Bura ''Fənərbaxça''nın Avropanın ən böyük klublarından biri olduğunu bilərək gəlmişəm. Həm başqanın bir neçə dəfə Portuqaliyaya gələrək mənimlə söhbət etməsindən, həm də fanatların mənə göstərdiyi maraqdan sonra klubun həqiqətən də xidmətimdə çox maraqlı olduğunu anladım. Fanatlar sosial şəbəkələrdə oğlumun və köməkçilərimin səhifələrini şərhləri ilə alt-üst etdilər. Yəni buranı maddi səbəblərə görə yox, məhz belə məqamlara görə seçmişəm. Coşqulu azarkeş ordusuna malik olan, böyük bir klubda işləmək istəyirdim. Çünki özüm də işimə böyük coşqu və sevgi ilə yanaşıram. Mənə böyük ümidlər bəsləndiyinin fərqindəyəm. Bu ümidləri doğrultmağa çalışacam. Burda futbolçuların da, məşqçilər korpusunun da rahat işləyib uğur qazanması üçün hər cür şərait var. Çempion olmaq və 8 illik həsrətə son qoymaq istəyirik. Türkiyədə diqqətimi çəkən başqa bir məqam da var. Son 15 ildə heç bir əcnəbi məşqçi burda çempion ola bilməyib. Bu seriyanı da bitirməyə çalışacam! Hər məşqçi kimi mənim də bir neçə sistemim var. Amma uğur qazanmaq təkcə sistemdən asılı deyil. Başqa amillər də önəmlidi. 2 aydan çoxdu komandanın çıxışını diqqətlə izləyirəm. Həyətdə Kim Min Çje kimi hər bir Avropa klubunun maraq göstərə biləcəyi futbolçu, eləcə də Arda Gülər kimi gənc istedad var. Arda üzərində bir qədər də işləməlidi və bütün komanda ona yardım etməlidi. Yəni heyəti büsbütün dağıtmaq fikrim yoxdu. Sadəcə, 4-5 futbolçu alacağıq. Bəlkə də onların bəziləri heç Türkiyədə tanınmır. Məsələn, Krespo da bura gələndə bu cür statusda idi. Əsas odu ki, yeni gələn futbolçu komandanın səviyyəsini artırsın. Bizə ilk növbədə hücumu gücləndirə biləcək və yaradıcı özəllikləri olan futbolçular lazımdı. Mən Portuqaliyadan başqa işlədiyim digər ölkələrin hamısında birillik müqavilələrə imza atmışam. Çünki ilk il uyğunlaşma dönəmidi. Həm klub, həm başqan, həm də məşqçi üçün. 1 ildən sonra işlərin qaydasında getdiyini görsək, müqaviləni yeniləyəcəyik. Bu, yeni bir durum deyil. Məsut Özilin keçmişdəki nailiyyətlərinə söz ola bilməz. Amma mənim də klubla bağlı öz fikirlərim var. Özilin durumu olduğu kimi davam edəcək! Burda önəmli olan Özil, Jezuş və ya başqa biri deyil. Əsas ''Fənərbaxça''dı. Mən də əlimin altında olan oyunçularla yola davam edəcəm. Hazırlıq üçün uzaqbaşı 5 həftəmiz olacaq. Sonra klub üçün böyük əhəmiyyət kəsb edən ÇL-in təsnifat mərhələsi başlayacaq. İlk oyunumuza, yəni iyulun 19-na qədər çox yaxşı hazırlaşmalıyıq. Əsas oyunçuları heyətdə saxlaya bilsək, bizim üçün əlavə üstünlük olacaq. Hazırlıq dönəmində təxminən 6-7 oyun keçirməyi planlaşdırırıq. Aleksin ''Fənərbaxça''da böyük bir iz buraxmasından və burda inanılmaz dərəcədə sevilməsindən xəbərim var. Mən də Braziliyada çalışmışam və Aleks dostlarımdan biridi. Gəlməmiş onunla da söhbət edib fikirlərini öyrəndim. Bir klubun öz əfsanələrini unutmaması yaxşı haldı. İsmayıl Kartalla komanda barədə söhbət etmək fürsətim olmayıb. O işinin öhdəsindən çox yaxşı gəldi və fərq yaratmağı bacardı. Böyük klublar həmişə mövsümü titulla bitirmək istəyir. Biz onun yaxşı formada qoyub getdiyi komanda ilə davam edib titullar qazanmağa çalışacağıq''.


40-cı əcnəbi məşqçi

''Fənərbaxça''nın Vitor Pereyranın ötən il uğursuzluğa düçar olmasından sonra yenidən portuqaliyalı məşqçiyə güvənməsi diqqəti çəkir. Amma Jezuş, təbii ki, həm titulların sayına, həm futbol dünyasındakı nüfuzuna, həm təcrübəsinə görə Pereyradan öndədi. Ümumilikdə Jezuş ''Fənərbaxça'' tarixinin 77-ci fərqli, 40-cı əcnəbi baş məşqçisi oldu. Klubun geridə qalan 115 illik tarixi ərzində işləmiş 76 məşqçisindən 39-u əcnəbi, 37-si yerli olub. Jezuşdan əvvəl işləyən 39 əcnəbi məşqçi ümumilikdə 13 ölkəni təmsil edib. Onlardan 7-si macar, 6-sı yuqoslaviyalı, 5-i alman, 4-ü niderlandlı, ingilis və alman olubsa, Xorvatiya ilə Rumıniyanı 2, Şotlandiya, İtaliya, Slovakiya, İspaniya və Portuqaliyanı 1 məşqçi təmsil edib. Konkret Əli Koçun dönəminə, yəni 2018-in yayından bəri olan müddətə nəzər salsaq, Jezuş ''Fənərbaxça''nın başına keçən 10-cu fərqli məşqçidi! Koçun dönəmində komandanı Filip Koku, Ervin Kuman, Ərsun Yanal, Zəki Murat Gölə, Tahir Karapınar, Erol Bulut, Əmrə Belözoğlu, Vitor Pereyra və İsmayıl Kartal çalışdırıb. Yeri gəlmişkən, Jezuşun iyunun 3-də baş məşqçi kimi rəsmən ictimaiyyətə təqdim olunduğunu nəzərə alsaq, sonda bir maraqlı məqamı da xatırladaq. 18 il öncə - 2004-cü il iyunun 3-də ''Fənərbaxça'' sonradan adını klubun tarixinə qızıl hərflərlə yazdıracaq Aleks de Souza üçün də imza mərasimi keçirmişdi…

ƏLİ RAUFOĞLU

Son xəbərlər

Tahir Gözəl Budapeştdə

“Futbolçularımız oyunun əhəmiyyətinin fərqindədilər” - “Ferensvaroş”un prezidenti

"Qalatasaray"dan iki transfer

Millimizin rəqibləri müəyyənləşdi

"Roma"dan "Sampdoriya"ya

"Çelsi" müdafiəçisini "Monako"ya göndərir

Torreyra "Qalatasaray" yolunda

"Borussiya"da yeni forvard

"Napoli"nin hədəfindəki qapıçı

"İnter" hücumçusu ilə yollarını ayırdı

"Sona qədər layiqli mübarizə aparmağa çalışacağıq" - Qurban Qurbanov

U-23 məğlubiyyətlə başladı - KONYA-2021

"Qəbələ"dən səfər qələbəsi - VİDEO

"Nəticəni baş məşqçinin rəqibdən qorxması təyin etdi" - AÇIQLAMA

"Penalti futbolçulara psixoloji olaraq təsir etdi" - Ayxan Abbasov

İlk qızıl Skidandan gəldi - KONYA-2021

"Hər bir komanda burada oynamaqdan zövq alacaq" - Elmar Baxşıyev

"Qəbələ" qələbə ilə başladı - YENİLƏNİB

İsko yeni klubu ilə müqavilə imzaladı

"Neftçi"dən növbəti transfer

"Arsenal" PSV-nin hücumçusunu transfer edə bilər

"Ferentsvaroş"un heyətində itki

Prezident Dünya Oyunlarında nəticə göstərmiş idmançıları mükafatlandırdı

"Qarabağ"a qarşı tamamilə yeni matça çıxacağıq" - Çerçesov

Ukraynanın rəmzi komandasında Azərbaycanda işləmiş 2 nəfər yer aldı

"Neftçi" ilə matçda daha yaxşı işlər görəcəyik" - "Rapid"in futbolçusu

"Azərbaycan millisində oynamaq ehtimalım var idi" - Cəmaləddin Xocaniyazov

"Daha çox qol vura bilərdik" - Holann

Xavi bu futbolçulara güvənmir

PSJ "Napoli"nin yarımmüdafiəçisini transfer edir

"Qəbələ"nin 4 futbolçusu məşqlərdə iştirak etmir

"Borussiya" yeni hücumçu transfer etdi

Azərbaycan premyer-liqasında 13000-ci qol

Yığma komandamız Avropa birinciliyində iştirak edəcək

"Barselona" kuboku darmadağınla qazandı

"İstəyirik ki, hər şey 90 dəqiqədə həll olunsun" - Qurban Qurbanov

Emin Mahmudov "Neftçi"də yubiley matçına çıxdı

"Səbail"dən anti-rekord

Musa Qurbanlı "Qarabağ"ın ən yaxşıları siyahısında

"Qarabağ" Macarıstana yola düşdü

Çempionatın ilk turu Regekampf üçün əlamətdar oldu

Fərid Qayıbov milli üzvləri ilə görüşdü

"Neftçi"yə qarşı ilk oyun çox çətin alındı" - "Rapid"in futbolçusu

Yığmalarımız Şahmat Olimpiadasında Ermənistanla qarşılaşacaq

Kapitan "Ferentsvaroş"la cavab oyununu da buraxacaq

Bütün xəbərlər