Azərbaycan milli komandası İtaliyanın Rimini şəhərində start götürən batut gimnastikası və tamblinq üzrə 28-ci Avropa çempionatında 1 qızıl, 1 bürünc medal qazanıb.

"Football-plus.az" xəbər verir ki, Azərbaycan Gimnastika Federasiyasının saytına istinadən xəbər verir ki, ən yüksək nəticəni gənclər arasında batut üzrə Maqsud Mahsudov və Hüseyn Abbasovdan ibarət sinxron cütlük göstərib. Onlar 48.420 xalla fəxri kürsünün ən yüksək pilləsində yer alıblar. Tamblinqdə isə Adil Hacızadə (23.700 xal), Mixail Malkin (31.200 xal) və Tofiq Əliyev (27.500 xal) böyüklərin komanda yarışında bürünc medala sahib çıxıb.

Bu gün Avropa çempionatında tamblinq üzrə gənclər arasında komanda yarışlarının finalı təşkil ediləcək. Azərbaycanı Bilal Qurbanov, Aleksey Karataşov, Hüseyn Əsədullayev təmsil edəcək.

İyunun 5-də isə fərdi proqramda tamblinq üzrə final mərhələsi, batut üzrə yarımfinal mərhələsi keçiriləcək.