"Artıq özüm üçün heyəti müəyyənləşdirmişəm" - Canni de Byazi
UEFA Millətlər Liqası çərçivəsində sabah keçiriləcək Qazaxıstan – Azərbaycan oyunu öncəsi Azərbaycan milli komandasının mətbuat konfransı təşkil olunub.
"Football-plus.az" saytının məlumatına görə, yığmamızın baş məşqçisi Canni De Byazi qarşılaşma haqda fikirlərini bildirib:
“İnanıram ki, budəfəki Millətlər Liqası fərqli olacaq. Artıq özüm üçün heyəti müəyyənləşdirmişəm. Gələcəkdə bu komandaya düşəcək oyunçular var. Hazırda ən hazır futbolçular milliyə dəvət olunub. Yeni turnirə başlayırıq. İnanıram ki, səhvlərimizdən dərs götürüb, bu dəfə daha yaxşı çıxış edəcəyik. Çünki komandamın buna potensialı var. Güclü qrupda yer almışıq. Slovakiya qrupun aşkar favoritidi. Digər üç komanda hər xal üçün mübarizə aparacaq. Maksimum xallar toplamağa çalışacağıq. Düşünürəm ki, qazonun süni olması problem olmamalıdı. Azərbaycanda da bu cür meydançalar var. Əsas çatışmazlıq kimi təqvimin sıx olmağını qeyd edə bilərik. Çünki oyunlar üç gündən bir olacaq”.
Digər xəbərlər
