"Football-plus.az" xəbər verir ki, Azərbaycan şahmatçıları Şəhriyar Məmmədyarov və Teymur Rəcəbovla yanaşı turnirdə norveçli dünya çempionu Maqnus Karlsen, onun həmyerlisi Aryan Tari, macarıstanlı Rixard Rapport, ABŞ-ı təmsil edən Uesli So, niderlandlı Aniş Giri, hindistanlı Vişvanatan Anand, fransalı Maksim Vaşye-Laqrav, bolqarıstanlı Veselin Topalov, və çinli Van Hao mübarizə aparacaq.
Yarışdan əvvəl şahmatçıların ardıcıllığını müəyyənləşdirmək üçün püşk əvəzinə blits turnir təşkil olunub. Yekun nəticədə Şəhriyar Məmmədyarov 5 xalla 5-ci, Teymur Rəcəbov isə 3 xalla 10-cu olub.
Sıra nömrəsinə əsasən ilk turda aşağıdakı partiyalar baş tutacaq:
Şəhriyar Məmmədyarov-Ayran Tari
Uesli So — Teymur Rəcəbov
Aniş Giri — Veselin Topalov
Vişvanatan Anand- Maksim Vaşye Laqrav
Maqnus Karlsen — Van Xao
Qeyd edək ki, Norway Chess" turniri 31 may - 10 iyunda gerçəkləşəcək. Reqlamentə əsasən qələbəyə görə şahmatçılara 3 xal veriləcək. Heç-heçə olacağı təqdirdə iştirakçılar qalibi «armageddon»da müəyyənləşdirəcək. Bu halda qələbəyə 1.5, məğlubiyyətə görə 1 xal qeydə alınacaq.
