Premyer-liqanın 2021/22 mövsümü başa çatdıqdan sonra "Səbail"də bir sıra dəyişikliklər baş verdi.

"Football-plus.az" xəbər verir ki, baş məşqçi Aftandil Hacıyevlə yolları ayıran "gəmiçilər" Mahmud Qurbanovu bu posta gətirdi. Paytaxt təmsilçisi artıq yeni mövsümün heyətinin qurulmasına start verib. Bir çox futbolçuları ilə də yolları ayırsa da, əsas müdafiəçi Adil Nağıyevlə yeni müqavilə imzalanıb. Millinin üzvü ilə 2 illik saziş bağlanıb.

Qeyd edək ki, Adil Nağıyev 2021/22 mövsümündə "Səbail"in heyətində 27 görüşdə meydana çıxıb. Müdafiə bu qarşılaşmalarda 1 qol vurub, 1 məhsuldar ötürmə verib.

İLKİN SULTANLI