Şənbə günü “Everton”a uduzan (0:1) “Mançester Yunayted”in Çempionlar Liqasına son vəsiqə verən 4-cü yeri tutmaq şansı bir qədər də azaldı.


Ralf Ranqnikin çalışdırdığı komanda bütün turnirlərdə keçirdiyi son 7 matçda yalnız bir qələbə qazana bilib: martın 12-də evdə “Tottenhem”i məğlub edib – 3:2.

MY Ranqnikin rəhbərliyi altında premyer-liqada keçirdiyi oyunların 47 faizində qalib gəlib. Bu göstərici onu komandanın antirekordçu məşqçisinə çevirib. Baş məşqçi vəzifəsinə ötən il noyabrın sonunda təyinat alan Ranqnik komandanı ölkə çempionatında 17 oyuna çıxarıb. MY bu matçlardan 8-də qələbə qazanıb.