Çeferin ''Real''ın ittihamlarına cavab verdi
UEFA prezidenti Aleksander Çeferin Mbappeni heyətdə saxlamağa müvəffəq olan PSJ-nin ''maliyyə feyr-pleyi''nin qaydalarını pozduğuna dair səsləndirilən tənqidlərə cavab verib.
"Football-plus.az" xəbər verir ki, o eyni zamanda parislilərin faktiki olaraq Qətərə məxsus olmasında heç bir ciddi problem görmədiyini vurğulayıb: ''UEFA-nın ''maliyyə feyr-pleyi'' ilə bağlı qaydaları əvvəlki kimi çox sərtdi. Kim bizim qaydalara hörmətlə yanaşsa, turnirlərimizdə iştirak edə biləcək. Hörmət etməyən isə buraxılmayacaq. Bizə nə ''Real'' göstəriş verə bilər, nə də başqa bir klub. Onların Mbappe məsələsində məyusluğunu anlayıram. Amma bildiyimə görə ''Real'' özü də Mbappeyə təxminən eyni şərtləri təklif etmişdi. Klubların əcnəbilərə satılmasına gəlincə, bu barədə dəfələrlə danışmışam və yenə deyirəm. Mənə bunun düzgün olmadığını göstərən bir dənə tutarlı səbəb göstərin. Klubların yalnız fanatlara məxsus olduğunu düşünürsüzsə, unutmayın ki, İngiltərənin bəzi klubları da ABŞ, Yaxın Şərq şirkətlərinə məxsusdu. Yəni vəziyyət bənzərdi. Bu mövzuda olan söz-söhbətlərdən bezmişəm. Çünki insanlar heç bir ciddi əsas gətirmədən tənqidi fikirlər səsləndirirlər. Məni yalnız qaydaları pozanlar maraqlandırır. Kimsə qaydaları pozsa, dərhal cəzalanacaq''.
Digər xəbərlər
