Ayxan Abbasovun “Turan Tovuz”a baş məşqçi təyin olunması köhnə dostlar Yunis Hüseynovla klubun Müşahidə Şurasının sədri Oqtay Abdullayevin arasını sərinləşdirib.

Daha dəqiq desək, Yunis bəy Abdullayevdən inciyib. Yaşananlarla bağlı mətbuata açıqlama verən Hüseynov bundan sonra Oqtay bəyə salam verməyəcəyini bildirib. Onun dediklərinə “Turan Tovuz”un Müşahidə şurasının sədrinin münasibətini öyrəndik. Abdullayev “Football-plus.az” saytına açıqlamasında bunları söylədi:

“Salam Allah salamıdı. Versədə sağ olsun, verməsədə. Mən Yunisi yaxşı futbolçu kimi tanımışam. Ona futbolçu kimi böyük hörmətim olub. Ancaq baş məşqçi seçimində qərarı tək mən vermirəm. Klubun müşahidə Şurasının üzvləri var ki, onlar Ayxan müəllimin namizədliyini təsdiqlədilər. O ki qaldı namizədlərin adlarının əvvəlcədən açıqlanmasına, burda qeyri-adi heç nə yoxdu. Hər yerdə baş məşqçi postuna namizəd olan mütəxəssislərin adları çəkilir. Elə klub var bunu sirr kimi saxlamağı məsləhət bilir, eləsi də var ki, bizi kimi, şəffaf şəkildə addım atır. Buna görə, məni qınamaq düzgün deyil”.

RƏŞAD