Millətlər Liqasına hazırlaşan millimizə çağırılacaq qapıçılardan biri rəsmən məlum olub.

“Football-plus.az” saytının məlumatına görə, bu qolkiper hazırda “Tobol”un şərəfini qoruyan Emil Balayevdi. Bu haqda qapıçının özü şəxsi “instaqram” hesabında xəbər yayıb. Belə ki, o klubunun rəsmi saytındakı yığmaya dəvət alması ilə bağlı şəkli sosial şəbəkəsinin hekayə bölümündə paylaşıb.

Yığmaya çağırılacaq digər iki qapıçının kimliyi hələ bəlli olmasa da, onların “Qarabağ”dan Şahruddin Məhəmmədəliyev və “Sabah”dan Səlahət Ağayev olacağı gözlənilir.

SƏNƏM FƏRHADOVA