Bu gün premyer-liqada 2021/22 mövsümünə yekun vurulacaq.

"Football-plus.az" Çempionatın son oyunları fərqli saatlarda start götürəcək.

Azərbaycan premyer-liqası
4-cü dövrə, 28-ci tur

110.Zirə - Şamaxı 0:0
Cəzalılar: Merab Qiqauri, Elçin Mustafayev (hər ikisi “Şamaxı”).
“Futbol+”in proqnozu: 40-30-30.
Hakimlər: RAUF ALLAHVERDİYEV, Pərvin Talıbov, Cavanşir Yusifov, Vüqar Həsənli.
Hakim-inspektor: Babək Quliyev.
AFFA nümayəndəsi: Əsgər Əmirəliyev.
Bakı. Zirə İdman Kompleksinin stadionu. Saat 17.00.

Konfrans Liqasına vəsiqəni təmin edən “Zirə” indi də gözünü bürünc medala dikib. “Şamaxı” üzərində mümkün qələbə bunu konkretləşdirəcək. “Qəbələ”nin doğma meydanda “Sabah”la heç-heçəsi və məğlubiyyəti də “qartallar”ın işinə yaraya bilər. Rəşad Sadıqovun komandası matçın favoritidi. Qəsəbə klubu bu mövsüm bütün görüşlərdə “Şamaxı”nı məğlub edib və qol buraxmayıb. “Keşlə” adını dəyişib “Şamaxı” olandan bəri qələbə qazanmayıb.


111.Qəbələ - Sabah 1:1
Murad Musayev, 68. - Aleksey Kaşuk, 86.
Cəzalılar: Amin Seydiyev, Zurab Oçiqava (hər ikisi “Sabah”).
“Futbol+”in proqnozu: 30-40-30.
Hakimlər: ƏLİYAR AĞAYEV, Zeynal Zeynalov, Akif Əmirəli, Rövşən Rəcəbov.
Hakim-inspektor: Orxan Məmmədov.
AFFA nümayəndəsi: Bəhram Qurbanov.
Qəbələ. Şəhər stadionu. Saat 17.00.

Ötən tura qədər hamı bu görüşü səbirsizliklə gözləyirdi. Lakin qarşılaşma əhəmiyyətini itirib. Belə ki, “Qəbələ”nin 27-ci turda Konfrans Liqasında vəsiqəni təmin etməsi, “Sabah”ın bu şansı itirməsi mənzərəni dəyişdi. Hər halda, “tələbələr” Konfrans Liqasında oynamağa özünün layiq olduğunu sübut etməyə çalışacaq. “Qəbələ” isə “Zirə”nin mümkün xal itkisindən yararlanıb, bürün medallara yiyələnmək arzusundadı. Bunları nəzərə alıb, oyunun heç-heçə bitəcəyini söyləyə bilərik.

112.Sumqayıt - Səbail 5:0
Anatoli Nuriyev, 4. Əli Qurbani, 35, 42. Elvin Bədəlov, 51. Vüqar Bəybalayev, 86.
Cəzalı: Domantas Şimkus (Səbail).
“Futbol+”in proqnozu: 40-30-30.
Hakimlər: RƏVAN HƏMZƏZADƏ, Namiq Hüseynov, Rahil Ramazanov, Tural Qurbanov.
Hakim-inspektor: Ramil Diniyev.
AFFA nümayəndəsi: Rüfət Əmirov.
Sumqayıt. “Kapital Bank Arena”. Saat 19.00.

Ardıcıl iki turda məğlub olmamaq “Sumqayıt”ın motivasiyasını artırıb. Baqanın komandası sonuncu görüşündə də qələbə qazanmaqla azarkeşlərini sevindirmək istəyir. “Səbail”də isə hər şey gələn mövsüm üçün planlaşdırılıb. Bu il sonuncu olan komanda bu görüşdə qələbə qazanıb mövtivasiya yüksəkliyi yaşamaq niyyətindədi.


109.Qarabağ - Neftçi 4:1
Patrik Andrade, 5, 14. Kadi Borges, 10. Ivan Brkiç, 57 - Ramon Maçado, 71.
Cəzalılar: Emin Mahmudov, Azər Əliyev (hər ikisi “Neftçi”).
“Futbol+”in proqnozu: 40-30-30.
Hakimlər: FƏRİD HACIYEV, Kamran Bayramov, Müslüm Əliyev, Kamranbəy Rəhimov.
Hakim-inspektor: Vüsal Əliyev.
AFFA nümayəndəsi: Elgiz Abbasov.
Bakı. “Azərsun Arena”. Saat 19.30.

Günün ən maraqlı oyunu Suraxanıda keçiriləcək. Son çempion “Qarabağ” gümüş medalçı “Neftçi”ni qəbul edəcək. Turnir intriqası qalmasa da, Azərbaycan derbisi həmişə maraqlıdı. Təbii ki, bu matçın favoriti “köhlən atlar”dı. Oyun Samir Abasovun “Neftçi”dəki taleyi baxımından da maraqlıdı. Bakılıların qələbəsi onun postunda qalmasına səbəb ola bilər.

1.Qarabağ 27 20 6 1 68-12 69
2.Neftçi 27 15 5 7 41-27 50
3.Zirə 27 13 7 7 33-27 47
4.Qəbələ 27 12 8 7 37-33 45
5.Sabah 27 12 4 11 41-33 41
6. Sumqayıt 27 5 6 16 25-49 22
7. Şamaxı 27 4 7 16 17-46 22
8.Səbail 27 4 3 20 17-52 15

Bombardirlər: Ozobiç, Vaci, Kadi (hamısı “Qarabağ”), Mikels (Sabah), Volkov (Zirə) - 11.