Yusif Vəliyev “Araz Naxçıvan”ı qınadı – AÇIQLAMA
"Araz Naxçıvan" Region Liqasının “Xan Lənkəran”a qarşı yarımfinal görüşündə Orxan Əliyevlə Elməddin Məmmədovu oynatmaqla yarışın Əsasnaməsini pozdu və İntizam Komitəsinin qərarı ilə texniki məğlubiyyətlə üzləşdi.
Amma futbol ictimaiyyəti buna görə yalnız klubu yox, Region Liqasının təşkilatçılarını da qınayır. "Football-plus.az" saytı olaraq, məsələyə aydınlıq gətirmək üçün yarışın təşkilatçısı Yusif Vəliyevlə danışdıq: "Region Liqasının nizamnaməsi var. Klub rəhbərləri bu nizamnamə ilə tanış olub, qol çəkəndən sonra turnirdə iştiraka icazə verirlir. Nizamnamənin müvafiq bəndində açıq şəkildə qeyd olunub ki, komandaların heyətində peşəkar futbolçu statusu daşıyanlar yer almamalıdı. Buna əməl etməyən klub birbaşa məsuliyyət daşıyır. "Araz Naxçıvan" bu qaydanı kobud şəkildə pozaraq texniki məğlubiyyət alıb. Problem yalnız Elməddin Məmmədovla bağlı olsaydı, düşünürəm ki, İntizam Komitəsi fərqli qərar verə bilərdi. Çünki futbolçu 1 ildi klubsuzdu. Amma Orxan Əliyev hansısa peşəkar klubla müqaviləsi ola-ola "Araz Naxçıvan"ın heyətində çıxış edib. Bu isə kobud qanun pozuntusudu və yeganə məsuliyyət daşıyan da klubdu".
ABDULLA İSMAYILOĞLU
Digər xəbərlər
