PSJ argentinalı ulduz futbolçu Lionel Messinin transferi sayəsində mövsümü 700 mlyon avroluq rekord gəlirlə başa vuracaq.

"L Equipe" xəbər verir ki, 34 yaşlı hücumçunun keçidi ilə Paris təmsilçisi 11 yeni sponsor və tərəfdaş cəlb edib. Onlardan əldə edilən gəlir 300 milyon avrodu. PSJ cari mövsüm 1 milyon forma satıb ki, bunların da 60 faizi Messiyə məxsus olub. Paytaxt klubu məhsul satışından 41 milyon avro qazanıb.

Bundan başqa, argentinalı forvardın transferi oyun günü gəlirlərini 132 milyon avroya yüksəldib. Bu məbləğ daha əvvəl 93 milyon avroya bərabər idi. Gəlir baxımından əvvəlki klub rekordu 2018/19 mövsümündə olub. PSJ həmin vaxt 637,3 milyon avro qazanıb.

Xatırladaq ki, Messi ötən ilin yayında "Barselona"nı PSJ-yə dəyişib.