Mayın 15-də Xorvatiya çempionunun adı bəlli olub.

“Football-plus.az” xəbər verir ki, “Dinamo” (Zaqreb) səfərdə “Şibenik”i 2:0 hesabı ilə məğlub edib. Bu nəticə ilə xal ehtiyatını 76-ya çatdıran komanda sona 1 tur qalmış ən yaxın izləyicisi "Hayduk"u 4 xal geridə qoyub. Beləliklə, paytaxt təmsilçisi ardıcıl 5-ci, ümumilikdə 23-cü dəfə Xorvatiya çempionu olub. Görüşün iştirakçısı olmayan Mahir Emreli də çempionluq sevincini yaşayıb.

Görəsən, Azərbaycan millisinin üzvünə də çempionluq medalı təqdim olunacaq? Maraq üçün qeyd edək ki, hücumçu Xorvatiya çempionatında cəmi 8 görüşdə meydanda olub. Bu qarşılaşmalarda 2 qol vurub. Bu, ona medal verilməsi üçün kifayət edir?

Bu məsələ hər ölkədə fərqli nizamlanır. Məsələn, Azərbaycan premyer-liqasında mükafatçı komanda 45 nəfərlik siyahını təqdim edir PLF-ə, qurum da buna uyğun həmin şəxslərə medal təqdim edir. Görəsən, Xorvatiyada necədi? Adıçəkilən ölkənin Futbol Federasiyasının rəsmi saytında bu haqda məlumat tapa bilmədik. Lakin bir az araşdırma apardıqdan sonra məsələ bizə aydın oldu.

Adino Mustedanaqiç adı bir çoxları üçün yaddı. Adı çəkilən şəxs “Sabah”ın akademiyasının əlaqələndiricisidi. Məsələ ilə bağlı xorvatiyalı mütəxəssislə əlaqə saxladıq. Ondan ölkəsinin çempionatında bəhs etdiyimiz məsələnin necə nizamlandığını soruşduq:

Beləliklə, Mahir Emreli Xorvatiya çempionu olduğu üçün medala da sahib olacaq.

İLKİN SULTANLI