"Mançester Siti"nin Dortmund "Borussiya"sının hücumçusu Erlinq Haalandı transfer etmək üçün nə qədər pul xərcləyəcəyi məlum olub.

“Football-plus.az” xəbər verir ki, Haaland "Mançester Siti"yə 250 milyon funta başa gələcək.

"Siti" norveçlinin transferi üçün 75 milyon (təzminat) ödəyəcək. 50 milyonu isə oyunçuların agentləri və nümayəndələri alacaq. Qalan məbləğ hücumçunun beş illik müqavilə şərtlərinə görə maaşı, həmçinin imza bonusudur.

Qeyd edək ki, Haaland bu mövsüm Dortmund "Borussiya"sında 29 oyuna çıxıb, 28 qol vurub və 8 məhsuldar ötürmə edib.

"Mançester Siti"nin skandinaviyalı transferini yaxın günlərdə açıqlayacağı bildirilirdi.