Bazar günü Region Liqasında yaşananlar hamıya bəllidi.

“Cəbrayıl” - “Energetik” matçının 84-cü dəqiqəsində hakim Rövşən Rəcəbov mingəçevirlilərin penaltisini vermədiyi üçün futbolçular tərəfindən döyülüb. Bu məsələ ölkənin gündəmini 2 gündü zəbt edib.

“Nur şəhəri” təmsilçisi israrla iddia edir ki, oyunda hakim qərəzi var idi. Deyəsən, AFFA Hakimlər Komitəsi belə düşünmür. Frits Stuxlikin rəhbərlik etdiyi qurum Rövşən Rəcəbovu bu gün 1-ci divizionun 23-cü turunda keçiriləcək MOİK – “Sumqayıt-2” matçına təyin edib.

Azərbaycan futbolunda o qədər “unikal” qərarlarla qarşılaşırıq ki, insan daha nələrəsə təəccüblənmir. Ən əsas da AFFA Hakimlər Komitəsinin qərarlarına söz ola bilməz. Atanın hakim-inspektor olduğu görüşə oğul hakim kimi təyinat alır. Yaddan çıxır, matçlara briqada göndərilmir. Bu gün də bazar günü meydanda sillə-təpiyin altına salınan referi peşəkar liqada meydana çıxacaq. Hələ İntizam Komitəsi oyunla bağlı qərarını açıqlayıb. Bəlkə Erkin Hüseynovun rəhbərlik etdiyi qurum bildirəcək ki, Rövşən Rəcəbov həqiqətən də “Cəbrayıl” - “Energetik” görüşündə qərəzə yol verib? Hara tələsirik, cənab Frits?!

Bu məsələ ilə bağlı Hakimlər Komitəsinə müraciət etməyə lüzum görmədik. Çünki dəfələrlə rəsmi mesajlarımıza bu motivdə cavab verilib:

Daha bildiyimiz şeyi yenidən niyə soruşaq ki? Onsuz da adamlar biabırçı şəkildə komitəni idarə edirlər. Bunu hamı görürsə, niyə və nə üçün soruşaq?

İLKİN SULTANLI