Deyəsən, Robert Levandovski həqiqətən də “Bavariya”dan ayrılacaq.

Almaniya klubu aparıcı hücumçusuna qiymət qoyub. “Bild” qəzetinin yaydığı xəbərə görə, rəhbərlik polşalı oyunçunu ən azı 40 milyon avroya satmaq istəyir. Xəbərdə həmçinin yaxın vaxtlarda “Barselona” rəhbərliyinin futbolçunun agenti Pini Zahavi ilə görüşəcəyi də bildirilib. Almaniya klubu yay “transfer pəncərəsi” zamanı 33 yaşlı oyunçunu satacağını istisna etmir. Zahavi isə “Barselona” və ya PSJ-nin bu məbləği ödəməyə hazır olduğuna əmindi.

Qeyd edək ki, bir neçə gün əvvəl İspaniya klubunun Levandovskini almaqda maraqlı olduğu və ona hər il 40 milyon avro ödəməyə hazır olduğu haqda xəbər yayılmışdı.