“Latsio”nu son turda evdə “Torino”ya məğlubiyyətdən xilas edən Çiro İmmobile A seriyasının tarixinə düşüb.

O, son dəqiqələrdə hesabı bərabərləşdirməklə (1:1) bu mövsüm A seriyasındakı qollarının sayını 25-ə çatdıraraq bombardirlərin yarışında vahid liderliyini davam etdirib. 32 yaşlı hücumçu bu liqada üç müxtəlif mövsümdə azı 25 qol vuran ilk italyan futbolçu kimi tarixə düşüb. Ona qədər belə göstəriciyə isveçli Qunnar Nordal və macar İştvan Nyerş nail olmuşdular. İmmobilenin 2017/18 mövsümündə rəqib qapılarına 29, 2019/20 mövsümündə isə 36 dəfə yol tapdığını xatırladaq.

Əlavə edək ki, Çiro karyerası ərzində üçüncü dəfə mövsümə bütün turnirlərdə azı 30 qol vurub. O, 2017/18 mövsümünü 41, 2019/20 mövsümünü isə 39 qolla başa vurub.