Türkiyə 1-ci liqasının 30-cu turunda Namik Ələskərovun çıxış etdiyi "Bursaspor" "Kocaelispor"u 2:1 hesabı ilə məğlub edib.


"Football-plus.az" saytının məlumatına görə, millimizin üzvü matçdan sonra qardaş ölkənin mətbuatına açıqlama verib. 27 yaşlı futbolçu qələbə ilə bağlı bunları deyib:

"Oyuna yaxşı hazırlaşmışdıq. Şükürlər olsun ki, qalib gəldik. Azarkeşlərimiz möhtəşəm idi. Onların qələbəmizdə payı çox böyükdü. Azarkeşlərə dəstək üçün təşəkkür edirik. Bu qalibiyyət özünəinam qazanmaq baxımından çox önəmli idi. Çox şey dəyişə bilərdi. Bundan sonrakı matçlara daha yaxşı hazırlaşacağıq. Daha istəkli şəkildə qarşıdakı oyunlara kökləcənəyik".

Qeyd edək ki, Namik komandasına qələbə qazandıran qolun ötürməsini verib. Onun komandası isə hazırda 31 xalla 19 klub arasında 18-ci pillədə qərarlaşıb.