Turan bir müddət müalicə olunacaq - AÇIQLAMA
"Olimpiakos"la yolları ayıran Turan Manafovun Bakıya döndüyünü xəbər vermişdik.
Faktiki daha bir futbolçumuzun legioner karyerası başlamadan bitdi. Müdafiəçi artıq həkim müayinəsindən də keçib. Nəticəni və başqa vacib detalları öyrənmək üçün dünən onunla əlaqə saxladıq: "MRT-yə dünən getmişdim. Nəticəsi, demək olar ki, Yunanıstana getməmiş Bakıda çəkdirdiyim kimidi. O qədər də dəyişiklik yoxdu. Dedilər ki, müalicə ilə keçəcək bir durumdu. "Səbail"lə danışmışıq. Mən "Olimpiakos"la müqaviləni pozmuşam. "Səbail"in hansı addımı atdığını bilmirəm. Son dəfə danışanda “pozacağıq” dedilər. Müalicə bitəndən sonra komanda ilə məşqlərə başlayacam. Mövsümün qalan hissəsində məşq edəcəm".
GÜNAY VƏLİYEVA
Digər xəbərlər
