Ötən həftəsonu bundesliqanın 28-ci turu çərçivəsində oynanılan ''Frayburq'' - ''Bavariya'' matçında (1:4) yaşanan hadisə haqda xəbər vermişdik.

Oyunun son anlarında anlaşılmazlıq üzündən ''Bavariya'' təxminən 15-16 saniyə 12 futbolçu ilə oynamışdı. ''Frayburq'' buna rəsmi şəkildə etiraz edərək rəqibə texniki məğlubiyyət verilməsini tələb etmişdi. Amma Almaniya Futbol İttifaqının İdman Məhkəməsi frayburqluların tələbini geri çevirib. Məhkəmənim qərarında qeyd olunub ki, bu, ''Bavariya''nın günahı deyil! Münhenlilərin 12 futbolçu ilə oynamasının hakim Kristian Dingertin diqqətsizliyi üzündən yaşandığına qərar verilib. Ona görə də matçın nəticəsi qüvvədə saxlanılıb. ''Frayburq''un növbəti 24 saat ərzində bu qərara etiraz etmək haqqı var.