Aprelin 2-dən Azərbaycanda Ramazan ayı başladı.

Öncəliklə ölkəmizin müsəlman əhalisinin müqəddəs ayını təbrik edib, tutduqları orucların qəbul edilməsini arzularırıq. Dünya ölkələrinin yerləşdikləri saat qurşaqlarından asılı olaraq, imsak və iftar vaxtları eyni deyil. Buna səbəb yerin quruluşudu. Enliklərdən asılı olaraq bəzi ölkələrdə yaşayan müsəlmanlar daha uzun, bəziləri isə qısa müddət oruc tutur.

Belə ki, dünyada ən uzun oruc tutan ölkələr Yerin Şimal qütbünün yaxınlığında yer alır. Şimal qütb dairəsində yaz-yay aylarında günlər uzun olur. Ona görə Ramazan aylarında ən uzun oruc bu yerlərdə tutulur. Ən qısa oruc tutan ölkələr isə Cənubi Amerika və Cənubi Afrika bölgələrində yer alır. Yerin cənub yarımkürəsində qərarlaşan ölkələrdə yaz-yay aylarında günlər qısa olduğu üçün ən qısa oruclar da bu ərazilərdə tutulur. Ölkəmizdə isə bu il üçün müddət 16 saatdı.

Müxtəlif peşə sahibəri kimi, futbolçular da oruc tutur. Doğrudu, futbol oynamaq üçün fiziki gücə ehtiyac olduğunu, oruc tutmaqla futbol oynamağın mükün olmadığını deyənlər çoxdu. Bir çox futbolçular oyun günləri də daxil olmaqla, Ramazan ayı boyunca oruc tutur. Bizim üçün maraqlı olan isə çempionatda çıxış edən 8 klubda ümumilikdə neçə oyunçunun oruc tutmasıdı. Bunu öyrənmək üçün premyer-liqa təmsilçilərinin mətbuat xidmətləri ilə əlaqə saxladıq. Sorğudan aldığımız nəticəyə əsasən azı 78 futbolçunun oruc tutduğu üzə çıxdı: “Səbail”, “Sumqayıt” - 14, “Qarabağ” - 13, “Zirə”, “Neftçi” - 10, “Sabah” – 9, “Şamaxı” - 8.

Lakin bu rəqəmin daha çox olduğunu istisna etmirik. Çünki “Qəbələ”dən bunun futbolçuların fərdi qərarı çərçivəsində baş tutan bir addım olduğunu, bu baxımdan araşdırma aparmağın düzgün olmadığı deyildi.

SƏNƏM FƏRHADOVA