“Ramazan ayında iki-üç saat məşq etmək çətindi” - AÇIQLAMA
İdmançıların Ramazan ayında oruc tutmasına heç də az rast gəlinmir.
Əlbəttə, belə vəziyyətin onlar üçün asan olmadığı hamıya bəllidi. “Liverpul”un seneqallı hücumçusu Sadio Mane “beIN Sports” telekanalına müsahibəsində futbolçuların çətinliklərindən danışıb: “Ramazan ayında oynamaq və məşq etmək heç də asan deyil. Amma ay başlamazdan əvvəl kapitan və məşqçi ilə danışdıq və cədvəli dəyişə bilib-bilməyəcəyimizi soruşduq. Səhər məşq edirik. Bu vaxt bizim üçün daha asandı. Səhər məşq etmisinsə, istirahət etməyə vaxtınız olacaq. Belə olmasaydı, bizim üçün çətin olardı. Ramazan ayında iki-üç saat məşq etmək çətindi. Məşqçi razılaşdı və bu, vəziyyəti sadələşdirdi. Maksimum gücümüzü göstərməyə çalışırıq. Matç günü hər şey özünəməxsus şəkildə təşkil olunsa da, Ramazan ayında çətin olur. “Liverpul” bizim üçün həyatı asanlaşdırmağa çalışdı. Dietoloqumuzla danışdıq və o, bizə çox kömək etdi”.
Bilindiyi kimi, Ramazan ayında günəş çıxandan gün batana qədər yemək və içmək olmaz. Eyni zamanda, peşəkar idmançılara növbəti Ramazana qədər başqa vaxtlarda oruc tutmağa icazə verilir.
