Norveç klubu Vacini transfer etmək istəyib

Norveçin "Valerenqa" klubunun "Qarabağ"ın futbolçusu İbrahima Vcini transfer etmək istədiyi barədə xəbərlər yayılıb.

Adı çəkilən ölkənin mətbuatı Oslo təmsilçisinin hücum xəttini seneqallı oyunçu ilə möhkəmləndirmək istədiyini yazıb.

Ancaq "Valerenqa"nın idman direktoru Yorgen İngebriqtsen "TV-2"yə müsahibəsində bu xəbərləri təkzib edib:

"Vaci ilə ötən yay maraqlanmışdıq. Amma hazırda o, diqqət mərkəzimizdə deyil".

Qeyd edək ki, hücumçu ötən ilin avqustunda Norveçin "Haugesund" klubundan "Qarabağ"a keçib.