Bu günlərdə Divok Oricinin mövsümün sonunda “Liverpul”u tərk edəcəyi məlum olmuşdu.

İngiltərə klubunun rəhbərliyi yayda 26 yaşlı hücumçu ilə müddəti başa çatacaq müqaviləni yeniləməmək qərarına gəlmişdi. Başqa sözlə, belçikalı oyunçu bir neçə aydan sonra azad agent statusu qazanacaq. Son xəbərə görə, “Milan” artıq Orici ilə anlaşıb. Divokun A seriyasının lideri ilə 4 milyon avro maaşı nəzərdə tutan 4 illik müddətə razılaşdığını “Qazzetta dello Sport” xəbər verib.

Orici “Liverpul”da 2014-cü ildən çıxış edir. O, bu mövsüm premyer-liqada yalnız 5 oyunda meydana çıxmaq şansı qazanıb və 2 qol vurub.