Kriştiano Ronaldonun “7” rəqəminə bağlı olması çoxlarına məlumdu.

O, karyerasının uğurlarla zəngin olan dövrünü məhz bu nömrə altında keçirib.

Pirs Morqan “Mançester Yunayted”in hücumçusu ilə bağlı maraqlı hadisəni qələmə alıb. İngiltərəli jurnalist “The Sun” qəzetindəki yazısında 2 il əvvəl portuqaliyalı futbolçu ilə birgə şam yeməyi zamanı aralarında olan söhbəti xatırlayıb:

“2 il əvvəl, Ronaldo hələ “Yuventus”da oynayanda onunla Turində sevdiyi restoranlardan birində yemək yeyirdik. Məclisin sonunda mən ondan soruşdum ki, məzar daşında hansı yazının yazılmasını istəyər. Kriştiano gülərək cavab verdi ki, 1 nömrə. Bəli, 7 nömrə yox, məhz 1 nömrə”.