Artıq Luis Suaresin mövsümün sonunda “Atletiko”dan ayrılacağı dəqiqləşib.

Təcrübəli futbolçu rəhbərlikdən yeni təklif almadığı üçün İspaniya klubunu azad agent kimi tərk edəcək. 35 yaşı olmasına baxmayaraq, Suaresin müştərilərinin sayı durmadan artır. Avropa klublarından onu sıralarında daha çox görmək istəyənlər “Ayaks” və “Aston Villa”dı. Uruqvaylı hücumçunun ABŞ və Braziliyanın 4 klubundan təklif aldığı da məlumdu. Maraqlıdı, görəsən, Luis hansı kluba üstünlük verəcək?

Deyilənə görə, o, yeni mövsümə də İspaniyada başlamaq istəyir. Amma Suaresin La Liqanın hansısa klubunun maraq dairəsində olması ilə bağlı məlumat yoxdu.