Luis Suaresin gələcək karyerası ilə bağlı suallara cavab tapılıb.

O, futbolçu həyatını ABŞ-da davam etdirəcək.

“Atletiko”nun hücumçusu “İnter Mayami” ilə razlığa gəlib. Suaresin İspaniya klubu ilə müqaviləsinin müddəti mövsümün sonunda başa çatacaq. “Atletiko” rəhbərliyindən yeni təklif almayan 35 yaşlı hücumçu ABŞ klubuna azad agent kimi keçəcək. Devid Bekhemin həmsahiblərindən olduğu klub ilə uruqvaylı futbolçu arasında 2 illik müqavilə imzalanacağı məlum olub.

Luis “Atletiko”da 2020-ci ildən çıxış edir. O, bu mövsüm bütün turnirlərdə meydana çıxdığı 41 oyunda 13 qol vurub və 2 məhsuldar ötürmə edib.