“İmarət Tayfa” ilk dəfə bunu etdi - AÇIQLAMA
Birinci divizionda 17-ci turun oyunları yekunlaşıb.
Son çempion "Neftçi-2" doğma meydanda "Qarabağ-2"ni qəbul edib - 1:2. Maraqlı keçən qarşılaşmada diqqətimizi bir nüans çəkdi. "İmarət Tayfa" komandanı dəstəkləmək üçün tribunada yer almışdı. Bu, cari mövsümdə bir ilk idi. Görəsən, fanatları belə addım atmağa nə sövq edib? Sualımızı azarkeş qrupunun idarə heyətinin üzvü Elnur Quliyevə ünvanladıq:"İlk dəfə deyil. "Şuşa" komandası var idi, birinci divizionda çıxış edirdi. Biz onları da gedib dəstəkləmişik. Çünki Şuşa Qarabağın incisidi. Biz də dəstəkləməyi özümüzə borc bildik. "Qarabağ-2"ni bir neçə oyunda dəstəkləmişik. Amma son bir ildə bu ilk idi. Çox maraqlı qarşılaşma oldu. Adətən xüsusi günlər, vacib, rəqabətli bir qarşılaşma olanda gedirik. Təbii ki, rəqibin adından da çox şey asılıdı. İki cəbhədə azarkeşlik etmək çətindi. Amma bacardığımız qədər edirik".
GÜNAY VƏLİYEVA
Digər xəbərlər
